2015 جىلعى 27 اقپان, استانا قالاسى
جەر قويناۋىن مەملەكەتتىك گەولوگيالىق زەرتتەۋگە كەلىسىمشارت (شارت) جاساسۋ قاعيدالارىن بەكىتۋ تۋرالى
«جەر قويناۋى جانە جەر قويناۋىن پايدالانۋ تۋرالى» 2010 جىلعى 29 ماۋسىمداعى قازاقستان رەسپۋبليكاسى زاڭىنىڭ 20-بابى 32-3) تارماقشاسىنا سايكەس بۇيىرامىن:
1. قوسا بەرىلىپ وتىرعان جەر قويناۋىن مەملەكەتتىك گەولوگيالىق زەرتتەۋگە كەلىسىمشارت (شارت) جاساسۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ گەولوگيا جانە جەر قويناۋىن پايدالانۋ كوميتەتى (ب.ق. نۇراباەۆ):
1) زاڭنامادا بەكىتىلگەن تارتىپپەن وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
4) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2 تارماعىنىڭ 1), 2), جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردىڭ ۇسىنىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-ءمينيسترى ا.پ. راۋعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ.
«كەلىسىلگەن»
قازاقستان رەسپۋبليكاسىنىڭ ۇلتتىق ەكونوميكا ءمينيسترى
______________ ە. دوساەۆ
2015 جىلعى 14 ناۋرىز
«كەلىسىلگەن»
قازاقستان رەسپۋبليكاسىنىڭ ۇلتتىق ەكونوميكا ءمينيسترى
______________ ۆ. شكولنيك
2015 جىلعى 20 ناۋرىز
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 27 اقپانداعى №215 بۇيرىعىمەن بەكىتىلگەن
جەر قويناۋىن مەملەكەتتىك گەولوگيالىق زەرتتەۋگە كەلىسىمشارت (شارت) جاساسۋ قاعيدالارى
1. جالپى ەرەجەلەر
1. وسى جەر قويناۋىن مەملەكەتتىك گەولوگيالىق زەرتتەۋگە كەلىسىمشارت (شارت) جاساسۋ قاعيدالارى (بۇدان ءارى - قاعيدالار) «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭىنا سايكەس ازىرلەندى جانە جەر قويناۋىن مەملەكەتتىك گەولوگيالىق زەرتتەۋ جونىندەگى وپەراتسيالاردى جۇرگىزۋگە ارنالعان كەلىسىمشارتتى (شارتى) (بۇدان ءارى – كەلىسىمشارت) جاساسۋ ءتارتىبىن انىقتايدى.
2. كەلىسىمشارت ءوز قاراجاتى ەسەبىنەن جەر قويناۋىن مەملەكەتتىك گەولوگيالىق زەرتتەۋدى جۇرگىزۋ نيەتى بار زاڭدى نەمەسە جەكە تۇلعا (بۇدان ءارى - ءوتىنىش بەرۋشى) جانە جەر قويناۋىن زەرتتەۋ جانە پايدالانۋ جونىندەگى ۋاكىلەتتى ورگان (بۇدان ءارى - ۋاكىلەتتى ورگان) اراسىندا جاسالىنادى.
3. بيۋدجەتتىك قاراجات ەسەبىنەن قارجىلاندىرىلاتىن جەر قويناۋىن مەملەكەتتىك گەولوگيالىق زەرتتەۋگە كەلىسىمشارت (شارت) جاساسۋ ءتارتىبى «مەملەكەتتىك ساتىپ الۋ تۋرالى» 2007 جىلعى 21 شىلدەدەگى قازاقستان رەسپۋبليكاسىنىڭ زاڭىنا سايكەس جۇزەگە اسىرىلادى.
2. جەر قويناۋىن مەملەكەتتىك گەولوگيالىق زەرتتەۋگە كەلىسىمشارت (شارت) جاساسۋ ءتارتىبى
4. كەلىسىمشارت (شارت) جاساسۋ ءۇشىن مىناداي قۇجاتتاردى قوسا بەرە وتىرىپ, ۋاكىلەتتى ورگانعا وسى بۇيرىقتىڭ قوسىمشاسىنا سايكەس نىسان بويىنشا ءوتىنىم بەرەدى:
1) زاڭدى تۇلعالار ءۇشىن;
زاڭدى تۇلعا رەتىندە مەملەكەتتىك تىركەلۋى تۋرالى قۇجاتتاردىڭ كوشىرمەسى;
2) جەكە تۇلعالار ءۇشىن;
ءوتىنىش بەرۋشىنىڭ جەكە باسىن كۋالاندىراتىن, مەملەكەتتىك كىرىستەر ورگاندارىندا جەكە كاسىپكەر رەتىندە ەسەپكە قويۋ تۋرالى قۇجاتتاردىڭ كوشىرمەلەرى;
5. ۋاكىلەتتى ورگان ءوتىنىمدى تۇسكەن كۇننەن باستاپ ون جۇمىس كۇن ىشىندە كەلىسىمشارت جاساسۋعا ارنالعان ءوتىنىمدى قاراستىرادى.
6. ۋاكىلەتتى ورگان وسى قاعيدالاردىڭ 5 تارماعىندا بەلگىلەنگەن مەرزىمدە مىناداي جاعدايلاردا كەلىسىمشارت جاساسۋدان باس تارتادى:
1) ءوتىنىش بەرۋشى تولىق ەمەس قۇجاتتار پاكەتىن ۇسىنعاندا;
2) ءوتىنىش بەرۋشى انىق ەمەس مالىمەتتەر ۇسىنعاندا;
3) ەگەر مالىمدەلگەن اۋدان «ەرەكشە قورعالاتىن تابيعي اۋماقتار تۋرالى» 2006 جىلعى 7 شىلدەدەگى قازاقستان رەسپۋبليكاسىنىڭ زاڭىندا 23 - بابى 3 تارماعىنا كوزدەلگەن جاعدايلاردا كەلىسىمشارت اۋماعىنا نەمەسە ايرىقشا قورعالاتىن تابيعي جەرگە جاتاتىن بولسا.
7. ۋاكىلەتتى ورگانعا سۇراتىلاتىن اۋماققا ءبىر ۋاقىتتا ەكى نەمەسە ودان دا كوپ ءوتىنىم كەلىپ تۇسكەن جاعدايدا كەلىسىمشارت جاساسۋعا ءوتىنىمدى ءبىرىنشى بەرگەن ءوتىنىش بەرۋشىمەن جاسالادى.
8. وسى قاعيدالاردىڭ 6-تارماعىندا بەلگىلەنگەن, كەلىسىمشارتى جاساۋدان باس تارتۋ ءۇشىن نەگىز بولماعان جاعدايدا ۋاكىلەتتى ورگان وسى قاعيدالاردىڭ 5-تارماعىندا بەلگىلەنگەن مەرزىمدە, مەملەكەتتىك گەولوگيالىق زەرتتەۋ سالاسىنداعى جوبالاۋ قۇجاتتاماسىن ۇسىنۋ مەرزىمىن كورسەتە وتىرىپ, ءوتىنىش بەرۋشىگە كەلىسىم شارت جاساسۋ مۇمكىندىگى تۋرالى حابارلاما جىبەرەدى.
جوبالاۋ قۇجاتتاماسىندا جۇمىس تۇرلەرى, كولەمى جانە وسى جۇمىستاردى ورىنداۋعا ءوتىنىش بەرۋشى بولەتىن, جىلدار بويىنشا بولىنگەن اقشالاي قاراجات سوماسى تۋرالى مالىمەت بولۋى ءتيىس.
9. كەلىسىمشارت (شارت) جاساۋ مۇمكىندىگى تۋرالى حابارلاما العان كۇننەن باستاپ ءۇش اي ىشىندە ءوتىنىش بەرۋشى كەلىسىمشارت (شارت) جاساۋ ءۇشىن ۋاكىلەتتى ورگانعا جوبالاۋ قۇجاتتاماسىن ۇسىنادى.
جوبالاۋ قۇجاتتاماسىن ۇسىنۋ مەرزىمىن ۋاكىلەتتى ورگان ءوتىنىش بەرۋشىنىڭ جازباشا ءوتىنىشى بويىنشا, بىراق ۋاكىلەتتى ورگاننىڭ حابارلاماسىندا كورسەتىلگەن مەرزىم وتكەنگە دەيىن كەمىندە ون جۇمىس كۇنى ىشىندە ءوتىنىش بەرۋشى ۇسىنىس جاساعان جاعدايدا كەمىندە ءۇش ايدان اسپايتىن مەرزىمگە ۇزارتادى.
10. ەگەر ۋاكىلەتتى ورگان بەلگىلەگەن مەرزىمدە ءوتىنىش بەرۋشى جوبالاۋ قۇجاتتاماسىن ۇسىنباسا, ۋاكىلەتتى ورگان (اۋماقتىق بولىمشە) ون جۇمىس كۇننىن ىشىندە جوبالاۋ قۇجاتتاماسىن ۇسىنۋ كەزەن وتكەندە ءوتىنىش بەرۋشىگە كەلىسىمشارت (شارت) جاساسۋدان دالەلدى باس تارتۋ جىبەرەدى.
11. ۋاكىلەتتى ورگان جوبالاۋ قۇجاتتاماسىن جانە جۇمىس باعدارلاماسىن العان كۇننەن باستاپ ون جۇمىس كۇنىنەن كەشىكتىرمەي كەلىسىمشارت جوباسىنا قول قويادى جانە ءوتىنىش بەرۋشىگە جىبەرەدى. كەلىسىمشارت جوباسىنا ءوتىنىش بەرۋشى قول قويۋى جانە وعان قول قويىلعان كەلىسىمشارت جوباسى ۇسىنىلعان كۇننەن باستاپ ون جۇمىس كۇنى ىشىندە ۋاكىلەتتى ورگانعا ۇسىنۋ ءتيىس.
12. كەلىسىمشارت جاسالعاننان كەيىن ءوتىنىش بەرۋشى جوبالاۋ جانە وزگە دە قۇجاتتامانى كەلىسۋدى, سونداي-اق جەر قويناۋىن پايدالانۋعا قاجەتتى وپەراتسيالاردى جۇرگىزۋگە رۇقساتتاردى دەربەس الۋدى قامتاماسىز ەتەدى.
جەر قويناۋىن مەملەكەتتىك گەولوگيالىق زەرتتەۋگە كەلىسىمشارت (شارت)
جاساسۋ قاعيدالارىنا قوسىمشا
نىسان
كىمگە:______________________________
(مەملەكەتتىك ورگاننىڭ اتاۋى)
كىمنەن:______________________________
ء(وتىنىم بەرۋشى)
جەر قويناۋىن مەملەكەتتىك گەولوگيالىق زەرتتەۋگە
كەلىسىمشارت (شارت) جاساسۋعا
ءوتىنىم
1. كەلىسىمشارتتىڭ ءمانى مەن ماقساتى:
(الاڭنىڭ اتاۋىن, ونىڭ ورنالاسقان جەرىن كورسەتۋ) جەر قويناۋىن مەملەكەتتىك گەولوگيالىق زەرتتەۋ شەڭبەرىندە (پايدالى قازبا ءتۇرىن كورسەتۋ) ارنالعان (جۇمىستار ءتۇرىن كورسەتۋ - ىزدەۋ/ىزدەۋ-باعالاۋ) جۇرگىزۋ.
2. جۇمىستاردى جۇرگىزۋ مەرزىمى, سۇرالاتىن اۋماقتىڭ كەڭىستىك شەكاراسى, اۋماقتىڭ اۋدانى:
____________________________________________________________________
____________________________________________________________________
بۇرىشتىق نۇكتەلەردىڭ
№ گەوگرافيالىق كوورديناتالارى
سولتۇستىك ەندىگى شىعىس بويلىعى
گرادۋس مينۋت سەكۋند گرادۋس مينۋت سەكۋند
1
2
3
4
…
3. زاڭدى تۇلعالار ءۇشىن:
ءوتىنىش بەرۋشىنىڭ اتاۋى, ونىڭ ورنالاسقان جەرى:
______________________________________________________________
__________________________________________________________________________
ءوتىنىش بەرۋشى زاڭدى تۇلعا جانە باسشىلارى تۋرالى مالىمەتتەر:
_______________________________________________________________
4. جەكە تۇلعالار ءۇشىن:
ءوتىنىش بەرۋشىنىڭ تەگى جانە اتى, زاڭدى مەكەنجايى, ازاماتتىعى:
____________________________________________________________________
ءوتىنىش بەرۋشىنىڭ تەگى, اتى, اكەسىنىڭ اتى جانە قولى
20 جىل «____»_____________
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10920 بولىپ ەنگىزىلدى.